“Të bëhesh kinez”, një prirje e popullarizuar në mediat sociale, ka evoluar në një përvojë kulturore gjithëpërfshirëse dhe në mënyrën e duhur për të kuptuar Kinën gjatë Festës së Pranverës, ose Vitit të Ri Kinez. Një sondazh i kryer nga CGTN-i me përdoruesit globalë të internetit, zbulon që 80.8 për qind e të anketuarve besojnë se kultura kineze është zhvendosur nga “eksporti njëkahësh” në një jehonë të përhapur gjerësisht, me shumë të huaj që shprehin dëshirën “për t’u bërë kinezë” gjatë Festës së Pranverës.

Gjatë këtij Viti të Ri Kinez, numri i rezervimeve të fluturimeve ajrore nga të huajt që udhëtojnë në Kinë u rrit me më shumë se katër herë në krahasim me të njëjtën periudhë të vjetshme. Rezervimet nga Australia, Kanadaja dhe Mbretëria e Bashkuar patën një rritje të ndjeshme, ndërsa rezervimet nga turistët koreanojugorë u shtuan 95 % krahasuar me vitin e kaluar. Vendet evropiane, si Spanja, Holanda dhe Italia, njohën të gjitha një rritje më shumë se dyfish. Përvoja virtuale e “të bërit kinez” po përparon drejt pjesëmarrjes gjithëpërfshirëse në Vitin e Ri Kinez. Sondazhi tregon që 86.7 për qind e të anketuarve mezi presin ta kalojnë Vitin e Ri Kinez në Kinë. Ndërkohë, 95.1 për qind shprehin interes të fortë për të mësuar rreth Vitit të Ri Kinez. Përveç kësaj, 78.7 për qind e shohin këtë festë si një dritare të rëndësishme për të njohur kulturën dhe stilin kinez të jetesës.

Foto nga VCG

Dy vjet më parë, Festa e Pranverës, praktikat shoqërore të popullit kinez për kremtimin e vitit të ri tradicional, u regjistrua në Listën Përfaqësuese të Trashëgimisë Kulturore Jomateriale të Njerëzimit të UNESCO-s, duke u bërë një thesar i përbashkët kulturor për të gjithë. Në sondazh, 95 për qind e atyre që u përgjigjën, besojnë që kjo njohje nga UNESCO-ja tregon se kultura kineze pranohet dhe vlerësohet gjithnjë e më shumë në të gjithë botën. Ndërkohë, 91.7 për qind pajtohen me mendimin që fryma e unitetit, vëllazërisë, paqes dhe harmonisë të ngulitura në Vitin e Ri Kinez përputhen ngushtë me vlerat thelbësore të qytetërimit njerëzor.

Pas ardhjes në Kinë, shumë të huaj që e mendonin atë si misterioze, zbulojnë që është një vend magjepsës. Pas masivitetit të “bërjes kinez” qëndron etja e botës për histori autentike kineze, ndërsa Kina i paraqet publikut global një imazh të ri të “Kinës interesante”. Sondazhi tregon se 92.1 për qind e të anketuarve besojnë që ndërthurja e kulturës së pasur tradicionale të Kinës me elemente moderne ofron një përvojë kulturore të ngrohtë. Përveç kësaj, 76.3 për qind mendojnë se prirja “Të bëhesh kinez” pasqyron hapjen e Kinës jo vetëm në aspektin e tregut dhe politikës, por edhe në përzierjen e stileve të jetesës dhe koncepteve kulturore. Ndërkohë, 88.2 për qind besojnë që ndikimi global i kulturës kineze do ta fuqizojë më tej tregun botëror të konsumit.

Ky sondazh u publikua në platformat në gjuhën angleze, spanjolle, frënge, arabe dhe ruse të CGTN-it, duke tërhequr 5 154 pjesëmarrës të huaj që ndanë pikëpamjet e tyre brenda 24 orëve.

Burimi CGTN