Presidenti amerikan, Donald Trump deklaroi se i takon NATO-s dhe Evropës të merren me Ukrainën dhe jo Shteteve të Bashkuara të Amerikës, gjatë fjalimit të tij shumë të pritur në Forumin Ekonomik Botëror në Davos të mërkurën.

“Çfarë fitojnë Shtetet e Bashkuara nga e gjithë kjo punë, nga të gjitha këto para’, përveç vdekjes, shkatërrimit dhe shumave kolosale të parave që shkojnë për njerëz që nuk e pëlqejnë atë që po bëjmë?”, pyeti presidenti Trump.

”Atyre nuk u pëlqen ajo që po bëjmë. Po flas për NATO-n, po flas për Evropën. U takon atyre të merren me Ukrainën, jo neve. Shtetet e Bashkuara janë shumë larg, një oqean i madh dhe i bukur na ndan. Ne nuk kemi të bëjmë fare me të”, pohoi presidenti amerikan.

Megjithatë, Donald Trump njoftoi se do të takohej po sot me homologun e tij ukrainas, Volodymyr Zelensky në Davos.

Burimi ATSH