Sistemi dedikuar menaxhimit të digjitalizuar të proceseve në arsimin parauniversitar (SMIP) në vitin e gjashtë të funksionimit numëron mbi 1.3 milionë përdorues.

Ministrja e Arsimit, Mirela Kumbaro informoi se në këtë platformë janë dhënë mbi 1.1 milionë shërbime digjitale në vit, ndërsa janë kursyer 17.2 milionë lekë nga digjitalizimi.

SMIP është një garanci për cilësinë e mësimdhënies dhe një instrument praktik për prindërit duke i vënë në dijeni në kohë reale me notat, mungesat dhe çdo informacion që ka vlerë për ecurinë e fëmijës së tyre gjatë vitit shkollor.

Kjo platformë ofron një mjedis të sigurt dhe të ndërlidhur për të trajtuar informacionin lidhur me nxënësit, stafin, progresin akademik, proceset administrative dhe aktivitetet e tjera të institucioneve parauniversitare.

SMIP integron teknologji të avancuara për të lehtësuar regjistrimin e të dhënave, monitorimin e përparësive akademike të nxënësve, menaxhimin e regjistrimit, raportimin e të dhënave, si dhe për të përcaktuar dhe ndjekur performancën e stafit dhe të administratës.

Kjo platformë siguron qasje të ndryshueshme, duke lejuar përdoruesit të përdorin dhe të ndajnë informacionin në mënyrë efikase dhe të sigurt.

Burimi ATSH