Kumbaro: Pagat për mësuesit do të rriten edhe në vitin 2026

Ministrja e Arsimit, Mirela Kumbaro vizitoi shkollën “Raqi Qirinxhi” në qytetin e Korçës ku u njoh nga afër me modelet e mësimdhënies dhe mjediset për organizimin e programeve pas shkollore.


Ministrja e Arsimit, Mirela Kumbaro vizitoi shkollën “Raqi Qirinxhi” në qytetin e Korçës ku u njoh nga afër me modelet e mësimdhënies dhe mjediset për organizimin e programeve pas shkollore.

“Kjo është një nga shkollat më të vjetra të Korçës që historia e lidh me liceun francez të viteve ’30, por të suksesshme një shkollë e bëjnë pasioni i mësuesve dhe nxënësve. E ndërtuar në vitet ’70, kjo është një shkollë e pajisur me laboratorë dhe kabinete që e bëjnë të jetë plot gjatë gjithë kohës. Është një udhëtim i vogël që motivon një projekt shumë të veçantë që kemi këtu në Korçë: liceun franko-shqiptar, projekt për të cilin po punojmë që prej një viti këtu në Korçë dhe në Ministrinë e Arsimit, i iniciuar nga kryeministri Edi Rama dhe presidenti francez Emanuel Macron, që sot është në një fazë shumë të avancuar”, tha Kumbaro.

Ministrja Kumbaro informoi se “kemi përgatitur kurrikulat, programet dhe po punojmë për projektin e shkollës së re, që ta kthejmë në një model kombëtar të ekselencës franko-shqiptar me drejtim të lëndëve shkencore dhe me diploma të dyfishta të maturës të njohura nga ministritë e arsimit të të dy vendeve”.

Më tej, duke vizituar mjediset e shkollës, laboratorin, TIK bibliotekën, sallën e radios e podcastit, ministrja Kumbaro u shpreh se buxheti i arsimit për vitin 2026 parashikon një rritje të re pagash prej 36 mijë lekësh në vit për mësuesit.

“Me buxhetin e vitit 2026 qeveria ka parashikuar një rritje rrogash për të gjithë mësuesit prej 3 mijë lekësh në muaj që vijon zinxhirin e rritjeve të pagave që kemi bërë për arsimin në këto vite, sepse e konsiderojmë pjesën më të rëndësishme të shoqërisë”, tha Kumbaro.

Në fund të fjalës së saj, Kumbaro u shpreh se investimet në shkollën “Raqi Qirinxhi” dhe në arsim do të vazhdojnë edhe përgjatë vitit 2026, ku parashikohet mbyllja e 42 kantiereve të shkollave të reja apo të rindërtuara në gjithë vendin.

Burimi ATSH

Lexo më shumë nga

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…