Diplomohen studentët e Fakultetit të Drejtësisë, Kumbaro: Do të mundësojmë që diplomat tuaja të vlerësohen globalisht

Ministrja e Arsimit, Mirela Kumbaro, mori pjesë mbrëmjen e sotme në ceremoninë e diplomimit të studentëve të Fakultetit të Drejtësisë të Universitetit të Tiranës


Ministrja e Arsimit, Mirela Kumbaro, mori pjesë mbrëmjen e sotme në ceremoninë e diplomimit të studentëve të Fakultetit të Drejtësisë të Universitetit të Tiranës nga ku u tha të rinjve se janë brezi që do të përcaktojë se si do të jetë Shqipëria e nesërme.

“Në duart tuaja është ndërtimi i institucioneve më të forta, mbrojtja e drejtësisë, garantimi i lirisë dhe përfaqësimi i vlerave më të mira të vendit tonë”, tha Kumbaro duke përshëndetur të sapodiplomuarit.

Ministrja Kumbaro u shpreh e emocionuar nga kjo pjesëmarrje pasi siç u shpreh ajo, rikthehet pas 12 vitesh në arsim.

“Kjo është një festë akademike që na bën krenarë të gjithëve, por është edhe një ritual që na tregon forcën që ka arsimi në një botë gjithmonë në ndryshim, forcën e universitetit si institucion që i mban të forta themelet e një shoqërie në evoluim”, tha Kumbaro.

Duke iu drejtuar të diplomuarve, ajo vuri në dukje rëndësinë që juristët e rinj kanë në proceset e sotme shoqërore dhe politike, në prag të integrimit europian.

“Shqipëria, me reformën në drejtësi, ka shumë nevojë për juristë të rinj, profesionistë që ndihen pjesë e një misioni më të madh siç është forcimi i shtetit të së drejtës, konsolidimi i institucioneve, mbrojtja e të drejtave të njeriut dhe integrimi europian i vendit”, theksoi Kumbaro.

Në fjalën e saj, Kumbaro nënvizoi vizionin e qeverisë për arsimin e lartë dhe kërkimin shkencor.

“Dhjetë vite pas reformës përmes së cilës shkundëm pluhurin që i zinte frymën shumë prej institucioneve dhe mbulonte përgjithësisht krejt sektorin, do të hapim kantierin e një rishikimi të ligjit të arsimit të lartë, për ta përshtatur atë me nevojat e kohës. Do të fokusohemi në ndërkombëtarizimin e universiteteve dhe në rritjen e cilësisë së kërkimit shkencor. Standardet e cilësisë do të sigurohen në përputhje me Zonën Europiane të Arsimit dhe të Kërkimit Shkencor, duke bërë që diplomat tuaja të vlerësohen globalisht”, tha Kumbaro.

Në këtë kuadër, ministrja Kumbaro përmendi edhe bashkëpunimet e Universitetit të Tiranës me Universitetin Teknologjik të Compiegne në Francë, të Universitetit Bujqësor me BOKU-n e Vjenës, si dhe projektet për rilindjen e kampuseve në Tiranë, Durrës dhe Elbasan.

/Burimi ATSH

Lexo më shumë nga

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…