Delegacioni i Bashkimit Evropian në Tiranë ndau sot shembullin e Ekofungi, një histori suksesi e ekonomisë qarkulluese që po sjell ndryshim të prekshëm në Baldushk.

Falë mbështetjes së Bashkimit Evropian, në kuadër të programit “Challenge fund eu 4i”, startup-i ka ngritur një BioLab, ku kërpudhat rriten duke përdorur mbetje bujqësore si kashta, degët dhe mbetjet e fabrikave të vajit të ullirit.

Ky inovacion sjell një ndikim të trefishtë, mjedisor, pasi redukton mbetjet që shpesh ndotin natyrën. Social, sepse krijon punësim dhe ofron trajnime për të rinjtë, duke i fuqizuar të ndërtojnë sipërmarrjet e tyre të gjelbra. Si dhe ekonomik, pasi është një model i qëndrueshëm e me interes të madh nga sektori HoReCa (hotele, restorante, kafene).

Ekofungi është vetëm një nga disa startup-et që Bashkimi Evropian mbështet në Shqipëri.