Fiat Topolino, një nga modelet më të rralla dhe më të dashura të makinave klasike italiane, ka mbërritur në vendin tonë dhe do të udhëtojë në në disa akse rrugore nga data 5 deri më 15 Shtator.

Drejtoria e Përgjithshme e Shërbimeve të Transportit Rrugor, ka bërë të ditur se itinerari i këtij karvani përfshin disa nga qytetet më të bukura dhe historike të Shqipërisë: Tiranë – Krujë – Durrës – Berat – Vlorë – Sarandë – Butrint – Gjirokastër – Korçë – Pogradec

Ky aktivitet shënon një hap të rëndësishëm në zhvillimin e kulturës retro të automjeteve në Shqipëri.

Me pjesëmarrjen e koleksionistëve dhe pasionantëve të automobilizmit klasik, ngjarja nuk sjell vetëm nostalgi dhe stil, por edhe një promovim unik të turizmit dhe trashëgimisë kulturore shqiptare.

Fiat Topolino, i prodhuar fillimisht në vitin 1936, është një simbol i thjeshtësisë, dizajnit elegant dhe shpirtit italian të kohës.

Prania e tij në rrugët shqiptare është një mundësi për të gjitha brezat që të prekin nga afër historinë e automobilizmit europian.

Burimi ATSH