Ministrja e Turizmit dhe Mjedisit, Mirela Kumbaro u shpreh sot se sfida me zjarret ka qenë e madhe edhe për zonat e mbrojtura, ku të gjitha strukturat shtetërore dhe vullnetarë të shumtë janë angazhuar në fikjen e zjarreve dhe në ndihmë të banorëve.

Kumbaro shprehu mirënjohjen për specialistët e 12-të Administratave Rajonale të Zonave të Mbrojtura, që gjatë këtyre ditëve kanë qenë në ballë në betejat me zjarret.

Ajo u bëri thirrje banorëve të këtyre zonave të tregojnë kujdes dhe të sinjalizojnë çdo vatër zjarri të hasur.

Gjatë 24 orëve të fundit në gjithë territorin e vendit u regjistruan 34 vatra aktive zjarri, nga të cilat 13 janë izoluar dhe shuar.

Burimi ATSH