Për herë të parë, Autoriteti Kombëtar për Sigurinë Kibernetike organizon Maratonën Kombëtare të Sigurisë Kibernetike 2025.

Kjo maratonë është një iniciativë kombëtare për zbulimin, zhvillimin dhe promovimin e talenteve të rinj në sigurinë kibernetike, mes universiteteve dhe shkollave profesionale me drejtim teknologjik.

Gjatë këtyre ditëve, po vërehet një angazhim i madh nga të rinjtë në të gjithë Shqipërinë, të cilët me pasion, aftësi dhe dëshirë sfidojnë veten në një nga fushat më sfiduese të së ardhmes.

Deri më sot janë regjistruar 249 studentë, 25 institucione pjesëmarrëse, nga të cilat 19 universitete dhe 6 shkolla teknike profesionale.

Pjesëmarrësit po përballen me 50 sfida teknike, të ndara sipas niveleve të vështirësisë: 25 fillestar, 15 mesatar dhe 10 të avancuara.

Të gjitha sfidat po zhvillohen në SimSpace, një nga platformat më të avancuara për simulimin e sulmeve dhe trajnimin në mjedise reale kibernetike.

Kjo maratonë është më shumë se një garë është një mundësi unike për të identifikuar, zhvilluar dhe promovuar gjeneratën e re të ekspertëve të sigurisë kibernetike në Shqipëri.

Burimi ATSH