Gëzim Beshi në Çermë të Sipërme, Lushnjë, kultivon perime në serra në një sipërfaqe prej 20 dynymësh, duke garantuar prodhim cilësor që shkon kryesisht për eksport.

Ministrja e Bujqësisë dhe Zhvillimit Rural, Anila Denaj, ndau në rrjete sociale shembullin e tij, si modelin që po ndjekin fermerët sot duke kontribuar në rritjen e prodhimit bujqësor vendas zhvillimin e ekonomisë rurale.

“Aktiviteti i tij kontribuon në mënyrë të drejtpërdrejtë në zhvillimin e ekonomisë bujqësore lokale, duke gjeneruar të ardhura dhe krijuar vende pune në zonë”, tha Denaj.

Ministrja bëri të ditur se, me mbështetjen nga Skema Kombëtare, Gëzimi synon të zgjerojë më tej veprimtarinë dhe të rrisë cilësinë e prodhimeve “Made in Albania”, që po fitojnë terren jo vetëm në tregun vendas, por edhe në tregje ndërkombëtare.

“Përmes Skemës Kombëtare të Investimeve, me 50 % grant dhe mbështetjes nga Kredia e Butë të kombinuar me Garancinë Sovrane, çdo fermer mund të përfitojë financim me normë interesi vetëm 2% dhe mbulim kolateral deri në 70%”, tha Denaj.