Eksportet bujqësore drejt rajonit dhe BE-së vijojnë të shënojnë rritje të qëndrueshme.

Ministrja e Bujqësisë dhe Zhvillimit Rural, Anila Denaj ndau në rrjete sociale statistikat zyrtare të eksporteve bujqësore për muajin maj 2025.

“Gjatë muajit maj, eksportet bujqësore arritën në 5.92 miliardë lekë, duke shënuar një rritje me 9% në vlerë, krahasuar me të njëjtën periudhë të një viti më parë”, tha Denaj.

Sipas saj, kjo rritje dëshmon besimin që tregjet ndërkombëtare po i japin prodhimeve Made in Albania.

Denaj garantoi vijimin me politika mbështetëse për njerëzit e punës për të arritur objektivin ambicioz 1 miliard euro eksporte bujqësore deri në vitin 2030.

Burimi ATSH