Drejtoresha e përgjithshme e INSTAT, Elsa Dhuli, priti në një takim pune në ambientet e INSTAT, një delegacion të niveli të lartë të Zyrës Çeke të Statistikave.

Delegacioni çek përfaqësohej nga Presidenti i Zyrës Çeke të Statistikave Marek Rojíček, Zëvendëspresidenti i tij Jaroslav Sixta dhe Përgjegjësen e Njësisë për Planifikimin e Bashkëpunimit Ndërkombëtar pranë Departamentit të Legjislacionit dhe Bashkëpunimit Ndërkombëtar Marcela Ernest Jindrová.

Kjo vizitë e nivelit të lartë ofroi një mundësi të vlefshme për shkëmbimin e përvojave dhe praktikave më të mira në fusha të ndryshme statistikore si Revizionimi i Llogarive Kombëtare, inovacionet në mbledhjen e të dhënave (nga PAPI në CAPI), përdorimi i programimit të gjuhës R, mjetet e të dhënave gjeohapësinore etj.

Sipas INSTAT, diskutimet theksuan gjithashtu rëndësinë e bashkëpunimit ndërkombëtar, në mbështetje të modernizimit të sistemeve statistikore dhe promovimit të vlerave të përbashkëta në statistikat zyrtare.

Dhuli falënderoj kolegët Çekë për shkëmbimin produktiv të diskutimeve dhe shprehu kënaqësi për forcimin e bashkëpunimit të mëtejshëm.

Burimi ATSH