Qyteti liqenor i Pogradecit mbetet një prej destinacioneve më të frekuentuara nga turistët vendas dhe ata të huaj, duke e shndërruar këtë në një qytet me një turizëm gjithëvjetor.

Vizitorët e shumtë, por edhe banorët e Pogradecit shijojnë ditët plot diell në pedonalen e liqenit, ndërsa trëndafilat kanë çelur duke mbushur çdo cep të qytetit duke tërhequr vëmendjen edhe të turistëve të huaj që afrohen për t’i soditur apo marrë aromën e tyre.

Kryeministri Edi Rama ka ndarë pamjet nga qyteti i Pogradecit. “Me ëmbëlsinë e freskët të Pogradecit”, shkruan Rama.

Pogradeci ka çelur zyrtarisht sezonin turistik 2025 me një sërë aktivitetesh kulturore, sportive si dhe me panaire.

Pogradeci dhe rrethinat e tij ofrojnë për turistët një atraksion të përhershëm turistik me natyrën, kulturën dhe historinë që i japin madhështinë, ndërsa liqeni i jep hijeshinë.

Përveç liqenit, Pogradeci ka edhe shumë bukuri të tjera natyrore në periferinë e tij, në fshatrat që e rrethojnë, ka monumente të rëndësishme kulturore e historike që të tërheqin t’i vizitosh.

Në këtë qytet kudo ka bukuri si Lini, një gadishull i vogël në brigjet perëndimore të liqenit të Ohrit me një fshat të bukur me të njëjtin emër. Pogradeci ka edhe mjaft kisha mesjetare si kisha e Shën Bitrit, që vendasit janë mësuar ta thërrasin kisha e Shën Bitrit, ndodhet disa qindra metra larg fshatit Potkozhan.

Turistët dhe vizitorët nuk kanë munguar në asnjë stinë në Pogradec, por kjo verë pritet jetë edhe më e gjallëruar, pasi qyteti është më i bukur, me më shumë aktivitete dhe shërbimi ka arritur nivele shumë të mira.

Burimi ATSH