Sektori rural po synon zgjerimin e përdorimit të teknologjive inovative në sektorin e bujqësisë dhe blegtorisë, për rritjen e prodhimit sipas standardeve më të mira dhe lehtësimin e kushteve të punës për fermerët.

Ministrja e Bujqësisë dhe Zhvillimit Rural, Anila Denaj, tha se, prezantimi nga GIZ i një prej teknologjive më të avancuara për menaxhimin e shëndetit të lopëve në Shqipëri, është një modeli inovativ që rrit efikasitetit e menaxhimit të tufave blegtorale.

Sipas saj, përmes inovacionit të monitorimit digjital, SmaXtec ka sjellë Smart Bolus-in, teknologji që tashmë përdoret në mbarë botën.

Përdorimi i kësaj teknologjie mundëson monitorim të vazhdueshëm të temperaturës dhe aktivitetit të lopës gjatë gjithë ditës, gjurmim të shëndetit në kohë reale, zbulim të hershëm të sëmundjeve.

Denaj e vlerësoi zbatimin e teknologjisë inovative me ndikim në rritjen e mirëqenies së kafshëve, falë reduktimit të përdorimit të antibiotikëve si dhe produktivitet më i lartë i qumështit nëpërmjet menaxhimit proaktiv të shëndetit.

“Implementimi me sukses i Smart Bolus-it shënon një risi në menaxhimin e shëndetit të lopëve të qumështit në fermë”, tha Denaj.

Ministrja e cilësoi një hap të rëndësishëm drejt një blegtorie të qëndrueshme, të bazuar në përgjegjshmëri dhe të dhëna, me respekt për standardet më të larta të shëndetit, mirëqenies dhe kujdesit për kafshët.

Burimi ATSH