Drejtues të Agjencisë Kombëtare të Burimeve Natyrore (AKBN) morën pjesë në konferencën e 60-të të vendeve të Evropës Qendrore dhe Lindore (CEEC), që u mbajt në Zagreb, ku u mblodhën aktorë kryesorë të sektorit energjetik nga vendet e Evropës Qendrore dhe Lindore.

Gjatë kësaj konference, drejtues të AKBN-së prezantuan eksperiencën dhe qëndrimet e tyre lidhur me sfidat dhe mundësitë që paraqet sektori i hidrokarbureve në Shqipëri dhe rajon.

Përfaqësuesit e AKBN-së theksuan progresin e bërë nga Shqipëria në promovimin e potencialit të burimeve natyrore dhe nxitjen e investimeve të huaja në sektorin energjetik.

Në fjalën e tyre, ata theksuan rëndësinë e një bashkëpunimi të ngushtë rajonal për përballimin e sfidave të përbashkëta, duke shfaqur gatishmërinë për të forcuar marrëdhëniet dhe shkëmbimin e njohurive me partnerët ndërkombëtarë.

“Ky angazhim i AKBN-së në një platformë kaq të rëndësishme konfirmon rolin kyç të saj si urë lidhëse në bashkëpunimin rajonal dhe global në fushën e burimeve natyrore dhe energjisë, duke kontribuar në zhvillimin e qëndrueshëm dhe rritjen ekonomike të vendit”, bën të ditur AKBN.

Burimi ATSH