Qeveria ka mundësuar skemën e kredisë studentore, që i mundëson studentit mbulimin e tarifave të studimit dhe kostove të jetesës gjatë studimeve të larta.

Ministri i Ekonomisë, Kulturës dhe Inovacionit, Blendi Gonxhja ndau në rrjete sociale një video informuEse për të gjithë studentët që kanë nevojë për këtë mundësi.

“Aplikim për Kredi Studentore! Për më shumë info, vizitoni faqen e AKFAL ose Arsimit”, shkroi Gonxhja.

Kredia studentore i vjen në ndihmë studentëve që kanë nevoje për mbështetje financiare.

Përfitues të kredisë studentore janë të gjithë studentët në universitetet publike që nuk përfitojnë bursë apo përjashtohen nga tarifa e shkollimit.

Kredia studentore përdoret për tarifën e studimit dhe koston e jetesës në vlerën deri të një page minimale.

Procesi i aplikimit është shumë i thjeshtë duke ndjekur hapat në e-Albania duke zgjedhur universitetin, degën, vitin dhe shumën e kredisë dhe duke ngarkuar të gjithë dokumentacionin: me listën e notave dhe një vërtetim që nuk janë përfitues të ndihmës financiare.

Agjencia Kombëtare e Financimit të Arsimit të Lartë (AKFAL) ka negociuar me bankat e nivelit të dytë që kredia studentore të jepet pa kolateral fizik.

Burimi ATSH