Në Ditën Ndërkombëtare Kundër Korrupsioni, E Ngarkuara me Punë e Shteteve të Bashkuara të Amerikës në Tiranë, Nancy VanHorn tha sot se në Shqipëri, kur njerëzit mendojnë kundër korrupsionit, mendojnë Prokurorinë e Posaçme Antikorrupsion (SPAK).

E pranishme në një aktivitetin e zhvilluar në Tiranë, ku mori udhë projekti “Integrity Chronicles” të ish-pjesëmarrëses në programin IVLP, Irena Xhafa, së cilit iu bashkua Ministrja për Administratën Publike dhe Antikorrupsionin Adea Pirdeni, VanHorn tha se Lufta kundër korrupsionit kërkon vërtet një transformim në qasjen dhe mentalitetin e dikujt.

“Dhe nuk ka të bëjë vetëm me skandalet e mëdha që shohim në internet, në gazeta dhe në televizion që duhet të na shqetësojnë. Është përgjegjësia që secili prej nesh ka çdo ditë për të vepruar me integritet”, tha VanHorn.

“Lufta kundër korrupsionit kërkon vërtet një transformim në qasjen dhe mentalitetin e dikujt. Ministrja (Pirdeni) përmendi një sërë institucionesh. Ajo përmendi edhe SPAK-un”, u shpreh ajo.

“Një gjë që më është bërë e qartë është se kur njerëzit mendojnë kundër korrupsionit, mendojnë SPAK-un. Kjo tregon ndikimin që SPAK-u ka pasur, ndaj kjo është një gjë e mirë. Por mendoj se zoti Dumani do të ishte personi i parë që do të thoshte se SPAK-u nuk vepron i vetëm. Çdo sukses që ata kanë në hetimin dhe ndjekjen penale të rasteve është për shkak të të gjithë të tjerëve në peizazhin e drejtësisë. Dhe më e rëndësishmja, sepse është pritshmëria që qytetarët shqiptarë kanë tani për qeveritarët e tyre”, tha VanHorn.

Diplomatja e SHBA vijoi diskursin e saj duke theksuar rolin që ka çdo qytetar në këtë luftë.

“Sidomos të rinjtë, sepse lufta kundër korrupsionit është në të vërtetë lufta për të ndërtuar një të ardhme për Shqipërinë, ku e shihni veten të qëndroni në këtë vend dhe të zhvilloheni këtu.”, u shpreh VanHorn.

Projekti, i çelur në Ditën Ndërkombëtare kundër Korrupsionit, mbështetet nga programi Impact IVLP i Departamentit të Shtetit të SHBA në partneritet me Ministrin e Shtetit për Administratën Publike dhe AntiKorrupsionin.

Burimi: ATSH