Ambasadori i Azerbajxhanit zhvillon takim dhe leksion të hapur në Universitetin “Eqrem Çabej” të Gjirokastrës

Ambasadori i Azerbajxhanit, Anar Huseynov, zhvilloi një takim me rektorin e UGJ, prof.dr. Jaho Cana, dhe drejtuesit e Universitetit të Gjirokastrës, ku u diskutuan mundësitë e bashkëpunimit akademik dhe kulturor ndërmjet universitetit dhe institucioneve arsimore të Azerbajxhanit.

Pas takimit, Ambasadori Huseynov mbajti një leksion të hapur për studentët dhe stafin akademik, duke trajtuar tema mbi kulturën e Azerbajxhanit dhe marrëdhëniet ndërkombëtare.

Ky leksion ofroi një mundësi të veçantë për të njohur më nga afër kulturën e pasur të Azerbajxhanit dhe për të kuptuar më mirë rëndësinë e bashkëpunimit ndërkombëtar.