Ambasadori i Bashkimit Europian në Tiranë, Silvio Gonzato, deklaroi sot se shpresonte që opozita do të luante rolin e saj brenda Kuvendit dhe se progresi për të mirën e Shqipërisë nuk është vetëm detyrë e mazhorancës.

Në një prononcim për mediet nga oborri i Parlamentit, pak para se ti dorëzonte Raportin e Progresit 2024, kryetares së Parlamentit Elisa Spiropali, ambasadori Gonzato tha se BE do që të ndihmojë Shqipërinë që të bëjë progres.

“Raporti jep një pamje, një përshkrim objektiv të situatës në Shqipëri. Ju ftoj t’i hidhni një sy. Besoj se Parlamenti ka një rol shume të rëndësishëm për të luajtur në të gjitha reformat që duhen bërë këtu, në Shqipëri për progresin. Duam të ndihmojnë Shqipërinë që të bëjë progres. Lexoni raportin, shpresojmë që opozita të luajë rolin e saj brenda Parlamentit”, tha ambasadori Gonzato.