Ministri i Brenshëm Taulant Balla tha sot se Policia e Shtetit do të konsolidojë forcën e saj për të goditur të gjitha format e krimit.

Në një postim në rrjetet sociale, duke vlerësuar operacionin e Policisë së Tiranës “Tempulli 3”, ku u arrestuan 19 persona për trafikim narkotikësh, Balla, nënvizon se Policia e Shtetit synon garantimin e sigurisë në komunitet.

“Përgëzime Policisë së Shtetit Tiranë për finalizimin e Operacionit “Tempulli 3” kundër trafikimit dhe shpërndarjes së lëndëve natkotike, duke vendosur para drejtësisë 19 persona (+5 persona ende në kërkim)”, shkruan Balla.

“Policia ka sekuestruar edhe sasi të konsiderueshme lëndësh narkotike, shuma parash të përfituara nga aktiviteti kriminal si dhe automjete. Do të vijojmë ta konsolidojmë revanshin e sundimit të ligjit kundër të gjitha formave të krimit, për të garantuar komunitete të sigurta”, përfundon Balla.