Ambasada e SHBA-së në Tiranë uroi sot përzemërsisht të gjithë besimtarët myslimanë që festojnë sot Fitër Bajramin.

Ambasada vlerëson se duke shënuar fundin e Ramazanit, Fitër Bajrami është një festë e rrënjosur në falënderim, mirësi dhe dhurim, sjellë përmes lutjes dhe akteve të bamirësisë.

“Paqja dhe shëndeti qofshin me të gjithë ata që festojnë në këtë ditë të veçantë”, thuhet në urimin e ambasadës së SHBA-së në Tiranë.

Pas 30 ditëve agjërim dhe falje besimtarët myslimanë festojnë sot Fitër Bajramin.

Një orë pas lindjes së diellit besimtarë të shumtë falën Namazin e Fitër Bajramit në sheshin “Skënderbej” në Tiranë, që njihet ndryshe edhe si festa e mbylljes së agjërimit.