Në Ditën Ndërkombëtare të Romëve, Delegacioni i BE në Shqipëri iu kërkoi autoriteteve shqiptare të zbatojnë Planin Kombëtar të Veprimit për Përfshirjen dhe Pjesëmarrjen e Romëve dhe Egjiptianëve.

Komunitetet Rome janë anëtarë aktivë të shoqërisë shqiptare, e megjithatë ata ende përballen me pengesa dhe vazhdojnë të vuajnë nga paragjykimet dhe diskriminimi.

POSTIMI I BE NË SHQIPËRI

“Komunitetet Rome janë anëtarë aktivë të shoqërisë shqiptare, e megjithatë ata ende përballen me pengesa dhe vazhdojnë të vuajnë nga paragjykimet dhe diskriminimi. Për të përmirësuar këtë situatë, ne kemi nevojë për një angazhim të fortë politik dhe burimet e duhura.

Sot, në Ditën Ndërkombëtare të Romëve, ritheksova mbështetjen e BE-së për Shqipërinë dhe u kërkova autoriteteve shqiptare të zbatojnë Planin Kombëtar të Veprimit për Përfshirjen dhe Pjesëmarrjen e Romëve dhe Egjiptianëve. Ne duhet të bëjmë përparimin e duhur në arsim, punësim, strehim dhe kujdes shëndetësor.

Me projektet e saj të shumta, BE-ja kontribuon në mënyrë aktive për këtë.” Ambasadori i BE-së Silvio Gonzato.