Industria shqiptare e tekstilit prezantohet në Panairin e Tekstileve të Stambollit.

Ministrja e Shtetit për Sipërmarrjen dhe Klimën e Biznesit, Delina Ibrahimaj vizitoi Panairin e Tekstileve të Stambollit, ku u ndal në stendën e Shqipërisë që përfaqësohet nga 45 sipërmarrës të rëndësishëm që operojnë në industrinë e tekstileve.

Ibrahimaj tha se, “takime të shumta B2B dhe vizitat në fabrika të mëdha me potencial bashkëpunimi, janë një hap i rëndësishëm për gjetjen e lëndëve të para dhe kalimin në produkt me cikël të mbyllur në një të ardhme të shpejt të kësaj industrie”.

“Vëmendja jonë, do të jetë e përqendruar në ndihmë të kësaj industrie ku kemi vënë në dispozicion një instrument të Garancisë Sovrane për sipërmarrjet që investojnë në këtë sektor për të shtuar produktivitetin dhe për të zvogëluar varësinë nga forca punëtore , për rritjen e kapaciteteve për ciklin e prodhimit të tekstileve”, u shpreh ministrja.

Ibrahimaj tha se, “jemi në bashkëpunim me kompanitë fason për të krijuar një ofertë të plotë për prodhuesit që operojnë jashtë vendit”.

(ATSH)