Kryeministri Edi Rama ndau sot në rrjetet sociale “Fotoalbumin e ditës” me momente nga vizita e Sekretarit amerikan të Shtetit, Antony Blinken në Tiranë.

Kryeministri Edi Rama dhe Sekretari amerikan i Shtetit, Antony Blinken zhvilluan fillimisht një takim me dyer të mbyllura në selinë e Kryeministrisë, ndërsa më tej dolën edhe në një konferencë të përbashkët për mediet.

Kryeministri e konsideroi këtë një vizitë me rëndësi të veçantë për Shqipërinë e rajonin, kur siç tha ai “kohët e trazuara që po kalon bota na gjejnë më pranë se asnjëherë, si miq dhe aleatë strategjikë”.