Rama: Shqipëria dhe Kosova do ta mirëprisnin përfshirjen e Japonisë në projektin strategjik të hekurudhës Durrës–Prishtinë

Kryeministri Edi Rama priti sot në Kryeministri një përfaqësi të sipërmarrjes japoneze, ku prezantoi interesin e Shqipërisë dhe Kosovës për përfshirjen e Japonisë në projektin strategjik të hekurudhës Durrës–Prishtinë.


Kryeministri Edi Rama priti sot në Kryeministri një përfaqësi të sipërmarrjes japoneze, ku prezantoi interesin e Shqipërisë dhe Kosovës për përfshirjen e Japonisë në projektin strategjik të hekurudhës Durrës–Prishtinë.

Rama bëri të ditur se ka diskutuar disa herë me kryeministrin e Kosovës mundësinë e përfshirjes së Japonisë në këtë projekt, i cili parashikon lidhjen e Durrësit me Prishtinën dhe më tej me Nishin, për të vijuar drejt Europës Qendrore.

Sipas Kryeministrit, hekurudha ka rëndësi të veçantë edhe për NATO-n, në funksion të Portit të ri të Durrësit, i cili do të ketë një degë të dedikuar për veprimtaritë ushtarake dhe ato të Aleancës.

“Së bashku me Kryeministrin e Kosovës kemi biseduar më shumë se një herë se sa mirë do të ishte ta përfshinim Japoninë në projektin e hekurudhës së re nga Durrësi në Prishtinë, e cila më pas kalon nëpër Nish dhe lidhet me Europën Qendrore”, theksoi Rama.

Rama shtoi se, “kjo hekurudhë ka gjithashtu rëndësi shumë, shumë të madhe për NATO-n për shkak të Portit të ri në Durrës, i cili do të ketë edhe një degë të dedikuar 100% për veprimtaritë ushtarake dhe ato të NATO-s”.

“Ky mund të jetë një investim shumë interesant. Nëse e shqyrtoni projektin, do të na vinte shumë mirë të dëgjonim mendimin tuaj”, u shpreh Rama, duke ftuar sipërmarrjen japoneze të shqyrtojë mundësinë e përfshirjes në projekt.

Ai theksoi se Shqipëria dhe Kosova janë të gatshme të bashkëpunojnë me Japoninë ose me partnerë të tjerë japonezë për të vlerësuar mundësinë e realizimit të kësaj vepre infrastrukturore.

“Së bashku me Qeverinë e Kosovës, jemi gati të punojmë me ju ose me cilindo partner nga Japonia për të parë nëse mund ta realizojmë këtë projekt”, nënvizoi Rama.

Burimi ATSH

Lexo më shumë nga

Rama: Shqipëria dhe Kosova do ta mirëprisnin përfshirjen e Japonisë në projektin strategjik të hekurudhës Durrës–Prishtinë

Kryeministri Edi Rama priti sot në Kryeministri një përfaqësi të sipërmarrjes japoneze, ku prezantoi interesin e Shqipërisë dhe Kosovës për…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama: Shqipëria dhe Kosova do ta mirëprisnin përfshirjen e Japonisë në projektin strategjik të hekurudhës Durrës–Prishtinë

Kryeministri Edi Rama priti sot në Kryeministri një përfaqësi të sipërmarrjes japoneze, ku prezantoi interesin e Shqipërisë dhe Kosovës për…