Ambasada e SHBA në Tiranë uroi sot të gjithë shqiptarët për 111- vjetorin e Pavarësisë së Shqipërisë.

Në një postim në rrjetet sociale, ambasada e SHBA-së ka publikuar një video ku oficerët dhe stafi i ambasadës amerikane ka udhëtuar në qytete të ndryshme të Shqipërisë për të uruar popullin shqiptar.

“Urime popullit shqiptar nga Ambasada e SHBA Tiranë në 111-vjetorin e Pavarësisë. Për të shënuar këtë ditë të veçantë, oficerët dhe stafi ynë amerikanë kanë udhëtuar në të gjithë Shqipërinë jo vetëm për të ndarë këtë mesazh, por për të përjetuar kulturën dhe historinë e larmishme për të cilën kanë luftuar kaq shumë shqiptarë gjatë gjithë historisë suaj të pasur”, theksoi ambasada e SHBA-së .

“Gëzuar Ditën e Pavarësisë! Gëzuar Shqipëri”, shkruan ambasada e SHBA-së në Tiranë.