KFOR ka njoftuar se 200 ushtarë britanikë dhe më shumë se 13O nga Rumania kanë mbërritur në Kosovë, duke rritur praninë e trupave në kufi me Serbinë.

“Dislokimi vjen pas sulmit të dhunshëm ndaj Policisë së Kosovës më 24 shtator dhe rritjes së tensioneve në rajon për të përmirësuar praninë e KFOR-it në veri të Kosovës dhe patrullimin përgjatë vijës kufitare”, njofton KFOR.

Ndërkohë, në fillim të muajit në Kosovë u dislokuan 200 trupa të tjera britanike, duke e çuar në 400 numrin e përgjithshëm të trupave.

NATO ka udhëhequr një operacion paqeruajtës në Kosovë që nga viti 1999 në përputhje me mandatin e saj sipas Rezolutës e Këshillit të Sigurimit të Kombeve të Bashkuara. KFOR-i aktualisht përbëhet nga mbi 4,500 trupa të kontribuar nga 27 aleatë dhe partnerë të NATO-s.

Në 24 shtator, persona me veshje ushtarake sulmuan policinë e Kosovës, ku mbeti i vrarë rreshteri, Afrim Bunjaku. Ngjarja është cilësuar si agresion dhe sulm terrorist nga autoritetet në Kosovë mbrapa së cilës ata akuzojnë se është Serbia.

/rtsh.al/