Samiti i 8-të Global i Partneritetit për Qeverisje të Hapur që u mbajt në Estoni, përmbylli punimet dyditore, duke vënë theksin në rëndësinë e pjesëmarrjes së publikut në vendimmarrje.

Ministrja e Shtetit për Standardet e Shërbimeve, Milva Ekonomi, përfaqësoj Shqipërinë në këtë samit.

Ekonomi, tha se, “në një tryezë të nivelit të lartë me përfaqësues të qeverisë, parlamentit, shoqërisë civile dhe partnerëve të zhvillimit ndamë eksperiencat në “bashkë krijim” për hartimin dhe zbatimin e planeve të veprimit të “Partneritet për Qeverisje të Hapur” OGP”.

“Tashmë ka një vëmendje në rritje ndaj hapjes dhe transparencës së politikë-bërjes, si në nivelin global ashtu edhe atë rajonal, në kuadër të (OGP) dhe pjesëmarrjes së publikut në vendimmarrje”, u shpreh Ekonomi .

Sipas saj, në planin tonë kombëtar të veprimit për vitet 2023 – 2025 Shqipëria ka parashikuar 24 angazhime të rëndësishme në adresim të sfidave të PQH-së.

Ministrja vuri në dukje se, ndërmarrjen e veprimeve të përbashkëta për rinovimin demokratik, qeverisjen digjitale, anti-korrupsionin dhe matjen e impaktit të angazhimeve në mënyrë periodike ishin disa nga angazhimet e reja në këtë tavolinë të rrumbullakët. /ATSH