Zëvendësshefi i Misionit/I Ngarkuari me Punë, Demian Smith përfundoi misionin e tij, pas dy vitesh shërbimi në Shqipëri.

Stafi i Ambasadës amerikane i dha lamtumirën këtë javë Demian Smith, teksa u mblodh për t’i uruar më të mirat atij dhe familjes së tij, ndërsa ai kthehet në Uashington DC për detyrën e tij të radhës.

Punonjësit falënderuan Demian për udhëheqjen e tij, mbrojtjen e fortë dhe dhembshurinë që ai tregoi ndaj të gjithëve në Ambasadën e SHBA-së në Tiranë.

“Do të na mungojë ngrohtësia, qëndrimi pozitiv dhe mbi të gjitha kostumi i Yjeve dhe Vijave në 4 Korrik! Gjithë të mirat Zoti Smith!”, thuhet në një postim në rrjetet sociale të Ambasadës së SHBA në Tiranë.