Komisioni Qëndror i Zgjedhjeve vendosi ditën e sotme se përsëritja e zgjedhjeve për Bashkinë e Rrogozhinës do të bëhet në 23 Korrik.

Caktimi i datës nga KQZ erdhi pas vendimit të Kolegjit Zgjedhor, që pranoi kërkesën e koalicionit “Bashkë Fitojmë”, që kërkoi pavlefshmërinë e rezultatit për kutinë ku hodhën votën të burgosurit e burgut në këtë bashki.

Duke qenë se diferenca e votave mes dy kandidatëve ishte më e vogël se ajo e pjesëmarrësve në votime në këtë qendër votimi, u vendos përsëritja e procesit. Fituesi i zgjedhjeve në këtë bashki ishte socialisti Edison Memolla, i cili mori 21 vota më shumë se kundërshtari i tij.

Ndërkohë, nuk ka ende një datë për zgjedhjet në Bashkinë e Kukësit, pas shkarkimit të Safet Gjicit për skandalin seksual në zyrën e tij.

Burimi: Ditar.al