Kompania turke e teknologjisë, “Robit Technology” ka zhvilluar një dron të ri kamikaz të quajtur “Azab”, i cili arrin një distancë me rreze të gjatë fluturimi. Platforma me krahë delta dhe një kapacitet të lartë të ngarkesës i kaloi me sukses të gjitha testet e fluturimit.

Në të ardhmen e afërt është planifikuar të kryhen testet e qitjes së mjetit ajror pa pilot,raporton Anadolu Agency.

“Ne kemi bërë të gjitha testet e fluturimit. Ne kalojmë në testet e municioneve. Ne do të kryejmë teste municioni në muajt e ardhshëm”- tha Selçuk Fırat, drejtor i departamentit të produkteve në Robit Technology.

Testet e municionit pritet të përfundojnë në fund të shtatorit të këtij viti, shtoi Fırat.

“Ne jemi gati për prodhim. Do të jemi në gjendje të dorëzojmë porositë e ardhshme”, pohoi ai.

Duke theksuar se lloje të ndryshme të bombave mund të integrohen me dronin Azab, Fırat deklaroi se ai ka dy versione me hapje të krahëve me 2 metra dhe 1,5 metra.

“Azab me një hapje krahësh 2 metra mund të mbajë deri në 15 kilogramë ngarkesë”, përfundoi ai. Droni-kamikaz ka një rreze komunikimi prej 200 kilometrash dhe shkatërron objektivat me koordinatat GPS. /Top Channel