Nga Dash Frashëri, botues i TiranaDiplomat.com

“Për Luizën” është ndoshta një nga kompozimet më popullore të gjeniut të muzikës, Ludvig van Bet’hoven, e shkruar në vitin 1860, gati 163 vjet më parë.

“Për Klarën” është një profilet që më emocion më shumë tani që po e shkruaj, ku zhurma që krijon tastiera kur shtyp tastet më tingëllon si muzikën më të bukur për një urim ditëlindje.

Në ditën e saj të lindjes, Klara Kreci Apostolatun, mund ta përshkruash me fjalët më të zgjedhura nga poetët më të mirë përmetarë.

“Mozaikun” e urimit tim do ta zgjidhja nga një varg i Bardhyl Londos, një tjetër nga Thomaidha Tanuçi, Sinan Vaka, Lumo Kolleshi apo Ligor Shyti.

Thjesht dua të them urimin tim: “Klara, nuk kanë rëndësi as vitet që ke kaluar, dhe as ato që do të vinë. Jetoje jetën. E lumtur”.

Kur 19 vjet më parë, në 1994, botoja gazetën lokale modeste “Opinion” , Klara ishte një nga kontribueset dhe bashkëthemeluese e numrit të parë.

Ato 30 metra që i ndanin shtëpitë tona dikur – unë jetoj prej mëse 25 vitesh në Tiranë dhe ajo prej kohësh në Greqi, ku ka krijuar familjen e saj – ishin “bulevardi i debateve” tona të bukura.

Biseda me Klarën ishte një kënaqësi e shumëfishtë.

E çmoja për elokuencën e të folurit, argumentet që sillte, faktet që iu referohej. Një bisedë që mund të zgjaste si një udhëtim pa fund!

Kur ajo dhe Hektor Lole ideuan dhe krijuan grupin “Përmetarë në Vite” , me pasionin dhe përkushtimin e tyre, të cilin e çmoj jashtëzakonisht, krijuan “Muzeun e Përmetarëve”, “Arkivin më të çmuar fotografik.

Urimi për një përvjetor ditëlindje, apo ngushëllimet kur një përmetar ndërron jetë, mund të duket si diçka e zakonshme, por Klara dhe Hektori (një mik i vjetër imi), e shndërruan një një dritare të bukur komunikimi midis përmetarëve.

Jam i lumtur që jam pjesë e grupit, dhe që përmes mediave që kam krijuar të pasuroj sado pak me profilet e përmetarëve që publikoj, veçanërisht në “Tirana Diplomat”, një media me audiencë ndërkombëtare.

Mikja ime, Klara, të uroj ta kalosh sa më bukur sot, edhe pse ti i ke çdo ditë të tilla.