Një sërë propozimesh të përbashkëta mbi nxitjen e shkëmbimeve dhe bashkëpunimit midis dy brigjeve të ngushticës së Tajvanit, u propozuan në një forum të organizuar së bashku nga institutet kërkimore të lidhura me Partinë Komuniste të Kinës (PKK) dhe Kuomintangun Kinez (KMT), i cili u mbajt të martën në Pekin.

15 propozimet mbulojnë pesë aspekte të bashkëpunimit dhe shkëmbimeve.

Pjesëmarrësit në forum bënë thirrje të përbashkët për rivendosjen e udhëtimit normal midis dy brigjeve, duke nxitur autoritetet e Partisë Demokratike Progresive të heqë kufizimet mbi shkëmbimet njerëzore dhe të rifillojë plotësisht operacionet normale të transportit të drejtpërdrejtë detar dhe ajror të pasagjerëve midis dy palëve, sa më shpejt të jetë e mundur.

Lidhur me forcimin e bashkëpunimit në industritë në zhvillim, pjesëmarrësit propozuan përpjekje të përbashkëta për të zhvilluar projekte në “IA plus prodhim” dhe për të krijuar një qendër inovacioni në IA me ndikim global.

Foto nga VCG

Foto nga VCG

U propozua gjithashtu nxitja e bashkëpunimit dhe shkëmbimeve në fushat e përkujdesit mjekësor dhe shëndetësor, mbrojtjes së mjedisit, si dhe parandalimit dhe zbutjes së pasojave të fatkeqësive natyrore.

Pjesëmarrësit u bënë thirrje bashkatdhetarëve në të dyja anët e Ngushticës së Tajvanit të bashkohen, të mbështesin Konsensusin e vitit 1992, të kundërshtojnë aktivitetet separatiste të “pavarësisë së Tajvanit” dhe ndërhyrjet e jashtme, si dhe të ruajnë paqen në ndër ngushticë.

Në forumin me temën “Perspektivat për Shkëmbimet dhe Bashkëpunimin në Ndër-Ngushticë”, morën pjesë mbi 100 pjesëmarrës nga të dyja brigjet e ngushticës së Tajvanit, duke përfshirë anëtarë të grupeve të mendimit të dy partive, si dhe përfaqësues dhe ekspertë nga fusha të ndryshme si turizmi, industria, shkenca dhe teknologjia, kujdesi shëndetësor dhe mbrojtja e mjedisit.

Burimi CGTN