Më 20 janar 2026 u mbajt Pritja e DIHA-s për Fillimin e Vitit në Ambasadën Gjermane në Shqipëri, ku të ftuar ishin përfaqësues nga politika dhe biznesi. Ky event, i cili tashmë është kthyer në një traditë, shërben si një platformë e rëndësishme për të reflektuar mbi zhvillimet ekonomike të vitit të kaluar, për të diskutuar sfidat aktuale dhe për të identifikuar mundësi të reja bashkëpunimi, duke forcuar njëkohësisht dialogun brenda komunitetit të biznesit gjermano-shqiptar.

Aktiviteti u hap me fjalën përshëndetëse të z. Karl Bergner, Ambasador i Republikës Federale të Gjermanisë në Shqipëri, i cili theksoi rëndësinë e forcimit të bashkëpunimit dhe të inkurajimit të investimeve gjermane në Shqipëri. Mesazhi i tij nënvizoi angazhimin e përbashkët për një partneritet të qëndrueshëm ekonomik ndërmjet Gjermanisë dhe Shqipërisë. Në fjalën e tij, Ambasadori falënderoi të pranishmit për përkushtimin e tyre dhe u uroi të gjithëve një vit të mbushur me suksese.

Mbrëmja vijoi me një koktej, ku pjesëmarrësit patën mundësinë të takoheshin dhe të bisedonin me njëri-tjetrin, si edhe të krijonin kontakte dhe bashkëpunime të reja.

DIHA falënderon të gjithë të ftuarit për pjesëmarrjen dhe kontributin e tyre, duke uruar një vit të suksesshëm dhe bashkëpunim të frytshëm në vijim.

Burimi DIHA