Byroja Politike e Komitetit Qendror të Partisë Komuniste të Kinës, u mblodh të enjten për të shqyrtuar punët e inspektimit të disiplinës, si edhe për të përcaktuar prioritetet për vitin 2026, duke sinjalizuar edhe një herë se lufta e Kinës ndaj korrupsionit nuk do të ndalet dhe as nuk do të tërhiqet.

Në mbledhje u theksua qëndrimi i Kinës kundër korrupsionit dhe u ritheksua se do të vazhdohen të bëhen përpjekje të pandërprera për të çuar përpara vetëqeverisjen e plotë dhe rigoroze të Partisë, me standardet më të larta dhe masat më efektive, për të ofruar një garanci të fortë për zhvillimin ekonomik dhe shoqëror gjatë periudhës së Planit të 15-të Pesëvjeçar (2026-2030).

Mbledhja riafirmoi nevojën për të konsoliduar zbatimin e “vendimit me tetë pika” të PKK-së për përmirësimin e sjelljes së Partisë dhe qeverisë, duke e bërë sjelljen zyrtare më të standardizuar dhe të institucionalizuar.

“Vendimi me tetë pika” konsiston në një sërë rregullash të miratuara dhjetorin e vitit 2012 nga niveli i lidershipit të Komitetit Qëndror të PKK për të adresuar çështjet kronike burokratike, përfshirë privilegjet zyrtare dhe banketet ekstravagante. Ai vendos rregulla të sakta për udhëtimet kërkimore, takimet, dokumentacionin zyrtar dhe detyra të tjera, të cilat janë zgjeruar për të disiplinuar të gjithë anëtarët e Partisë në përmirësimin sistematik të sjelljes.

Kjo qasje është në kontrast me modelet e qeverisjes në Perëndim. Siç vërejti John Ross, një bashkëpunëtor i lartë në Institutin Chongyang për Studime Financiare në Universitetin Renmin të Kinës, “Rregullorja tregon qartë ndryshimin midis qasjes së Kinës ndaj trajtimit të korrupsionit dhe mungesës së mekanizmave të tillë në sistemin perëndimor. Mjafton të shohim se si rregullat e Kinës shtrihen nga çështjet kryesore deri në detaje të tilla si pritjet zyrtare dhe udhëtimet e biznesit, për të parë ndryshimin e plotë në qasje.”

Xi ka theksuar: “Kur njerëzit e zakonshëm gjykojnë sjelljen e Partisë, ata nuk shikojnë kryesisht se sa takime mbahen, sa fjalime bëhen ose sa dokumenta publikohen, por se cfarë problemesh zgjidhen.”

Mbledhja e së enjtes bëri thirrje për vazhdimin e përpjekjeve në kundërshtimin e sjelljeve të këqija dhe korrupsionin, të cilat ndikojnë drejtpërdrejt në jetën e njerëzve, duke arritur rezultate të prekshme dhe të ndjera për publikun.

Rezultatet e prekshme nënvizojnë këtë angazhim. Në provincën Heilongjiang të Kinës verilindore, një model mbikëqyrjeje i bazuar në të dhëna, ka zbuluar shpërdorimin e subvencioneve të trajnimit profesional. Në bashkinë Chongqing të Kinës Jugperëndimore, mbikëqyrja e forcuar aktualisht mbron sigurinë ushqimore dhe menaxhimin e fondeve në shkollat fillore dhe të mesme. Në të gjithë vendin, reformat po përmirësojnë mbikëqyrjen e burimeve të kujdesit për të moshuarit dhe ndihmës mjekësore, duke siguruar që fondet publike të arrijnë tek ata që kanë më shumë nevojë për to.

Burimi CGTN