Ministrja e Shëndetësisë dhe Mirëqenies Sociale, Evis Sala vizitoi sot Qendrën Kombëtare të Transfuzionit të Gjakut për të ndjekur nga afër investimet moderne që po forcojnë sigurinë dhe cilësinë e shërbimit të transfuzionit.

Gjatë vitit 2025, MSHMS ka realizuar investime kyçe si pajisje e re për gjenotipizimin e grupeve të gjakut, në ndihmë të pacientëve me nevoja të veçanta transfuzionale dhe për parandalimin e sëmundjes hemolitike të fetusit dhe të porsalindurit.

Gjithashtu, gjatë 2025-ës, është bërë edhe digjitalizim i plotë i të dhënave dhe proceseve të dhurimit, testimit dhe shpërndarjes së gjakut, si edhe centralizim dhe automatizim i testimit të grupeve të gjakut, duke rritur cilësinë dhe ulur rrezikun e gabimit njerëzor.

Sipas MSHMS, për vitin 2025 numri i dhuruesve vullnetarë të gjakut është në rritje me 12%, ose 16,5 dhurime për 1000 banorë, krahasuar me një vit më parë.

Burimi ATSH