Vengu: Qendër e re operacionale në repartin e vjetër të Mollzës

Ministri i Mbrojtjes, Pirro Vengu, zhvilloi një vizitë inspektuese në ambientet e ish-repartit ushtarak në Mollëz, ku parashikohet ngritja e qendrës së re operacionale të Batalionit III të Regjimentit të Këmbësorisë së Veriut.


Ministri i Mbrojtjes, Pirro Vengu, zhvilloi një vizitë inspektuese në ambientet e ish-repartit ushtarak në Mollëz, ku parashikohet ngritja e qendrës së re operacionale të Batalionit III të Regjimentit të Këmbësorisë së Veriut.

Ky repart ka shërbyer më herët si garnizon dhe depo ushtarake, si dhe ka pasur rol të rëndësishëm gjatë luftës në Kosovë, ku janë zhvilluar stërvitje të forcave të Ushtrisë Çlirimtare të Kosovës.

Sipas planit afatmesëm të Ministrisë së Mbrojtjes, objekti do të rikonstruktohet plotësisht për të akomoduar një batalion të plotë këmbësorie, duke zgjeruar më tej kapacitetet e Regjimentit të Veriut.

Aktualisht, në Burrel operon një kompani e plotë, ndërsa synimi është shumëfishimi i kapaciteteve dhe rritja me rreth 30% e forcës aktive, si dhe krijimi i njësive të para të forcës rezerviste.

Ministri Vengu theksoi se, pavarësisht degradimit dhe braktisjes së këtij reparti ndër vite, tashmë është miratuar masterplani i zhvillimit, i cili parashikon një ndërhyrje tërësore infrastrukturore.

Projekti është hartuar me synimin që investimi të jetë i qëndrueshëm, funksional dhe efikas për përmbushjen e misioneve operacionale.

Struktura e re do të akomodojë rreth 648 personelë efektivë, nga të cilët 247 rezervistë dhe 401 personel aktiv, të shpërndarë në një sipërfaqe prej rreth 366 hektarësh. Territori ofron kushte shumë të mira për stërvitje, akomodim, aktivitete sportive dhe rekreative, si dhe për ndërtimin e poligoneve dhe terreneve ndihmëse.

Zona, e lirë nga banesat civile, garanton standarde të larta sigurie dhe akses të favorshëm në infrastrukturën e energjisë elektrike dhe ujësjellësit.

Misioni kryesor i Batalionit të Burrelit do të jetë përgatitja, trajnimi dhe mbajtja në gatishmëri e kapaciteteve operacionale për mbrojtjen e vendit.

Një vëmendje e veçantë do t’i kushtohet gjithashtu emergjencave civile, si pastrimi i rrugëve nga bora, përballimi i zjarreve dhe situatave të tjera të jashtëzakonshme, veçanërisht duke pasur parasysh pozicionin gjeografik në zonën verilindore të vendit.

Projekti parashikon ndarjen e repartit në tre zona funksionale: zonën administrative, zonën logjistike dhe mbrojtëse, si dhe zonën e jetesës dhe stërvitjes, duke krijuar një garnizon modern që përmbush standardet bashkëkohore të Forcave të Armatosura Shqiptare.

Marrë nga ATSH

Buxheti për Shëndetësinë 87,2 miliardë lekë, financim për rehabilitimin e mbi 20 spitaleve

Ministri i Financave, Petrit Malaj gjatë prezantimit të buxhetit 2027 deklaroi se shpenzimet për sektorin e shëndetësisë parashikohen në 87,2…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Buxheti për Shëndetësinë 87,2 miliardë lekë, financim për rehabilitimin e mbi 20 spitaleve

Ministri i Financave, Petrit Malaj gjatë prezantimit të buxhetit 2027 deklaroi se shpenzimet për sektorin e shëndetësisë parashikohen në 87,2…