Presidenti Bajram Begaj përcolli sot urimet për Klodian Brahon, drejtuesin e sapozgjedhur të Strukturës së Posaçme kundër Korrupsionit dhe Krimit të Organizuar.

“Drejtimi i Strukturës së Posaçme kundër Korrupsionit është përgjegjësi e lartë dhe njëkohësisht një mundësi për të forcuar besimin e qytetarëve te drejtësia”, u shpreh Begaj në një postim në rrjetet sociale.

Sipas Presidentit, SPAK nën drejtimin e Altin Dumanit ka dhënë rezultate konkrete në këtë drejtim.

“Forcimi i luftës kundër korrupsionit dhe krimit të organizuar kërkon vendosmëri, integritet dhe guxim. Suksese në këtë mision të rëndësishëm për vendin”, shkroi Presidenti.

Klodian Braho u zgjodh sot drejtuesi i ri i Strukturës së Posaçme Kundër Korrupsionit dhe Krimit të Organizuar (SPAK) me 7 vota në mbledhjen e Këshillit të Lartë të Prokurorisë. Braho u zgjodh mes 4 kandidatëve dhe do të ketë një mandat trevjeçar.

Burimi ATSH