Kryeministri Edi Rama deklaroi sot se, Shqipëria do të jetë vendi i parë që prokurimet do t’i bëjë me Inteligjencë Artificiale.

Në një intervistë televizive, Rama u shpreh se, “do të jemi vendi i parë që do të kemi prokurimet me Inteligjencë Artificiale, në 95% të procesit”.

“Mbaje mend çfarë po të them, se nuk jam duke bërë fushatë, se i kemi fituar zgjedhjet: Do të jemi vendi i parë që do të kemi prokurimet me inteligjencë artificiale në 95%, të procesit. Prokurim me Inteligjencë Artificiale. Ne, te prokurimet jemi të parët në rajon për gjithë modernizimin që i kemi bërë procesit”, u shpreh kryeministri.

“Mandati i 4-t fillon me në tjetër risi, që ministritë dhe ministrat nuk bëjnë më asnjë tender. Zero. Nuk bëjnë më. Nuk bëjnë tendera. Ministritë do të përqendrohen vetëm në politikëbërje. Kemi ndërtuar një sistem të prokurimeve të përqendruara që po jep rezultat dhe kemi miliona euro kursime”, tha Rama.

/Burimi ATSH