Anija “Lissus” do t’i bashkohet operacionit të NATO-s në detin Egje.

Shefi i Shtabit të Përgjithshëm të Forcave të Armatosura, gjenerallejtënant Arben Kingji i ka uruar mision të mbarë efektivit të kësaj anijeje, teksa ka shprehur bindjen e plotë për profesionalizmin, përkushtimin dhe disiplinën e tyre në përmbushjen me sukses të detyrave dhe objektivave të këtij misioni.

Kingji theksoi se, ky angazhim pasqyron kontributin e çmuar të Forcave të Armatosura të Republikës së Shqipërisë dhe bashkëpunimin e ngushtë me aleatët e NATO-s për paqen, sigurinë dhe mbrojtjen e jetëve njerëzore.

“Mision të mbarë efektivit të anijes “Lissus”, e cila do t’i bashkohet operacionit të NATO-s në Detin Egje. Shpreh bindjen e plotë për profesionalizmin, përkushtimin dhe disiplinën tuaj në përmbushjen me sukses të detyrave dhe objektivave të këtij misioni. Ky angazhim pasqyron kontributin e çmuar të Forcave të Armatosura të Republikës së Shqipërisë dhe bashkëpunimin e ngushtë me aleatët e NATO-s për paqen, sigurinë dhe mbrojtjen e jetëve njerëzore”, shkruan Kingji, në një postim në rrjetet sociale.

Burimi ATSH