Presidenti kinez Xi Jinping i dërgoi të martën një mesazh Konferencës Botërore të të Rinjve për Paqen.

Kreu i shtetit i Kinës vuri në dukje që ky vit shënon 80-vjetorin e fitores së Luftës së Popullit Kinez kundër Agresionit Japonez dhe të Luftës Antifashiste Botërore. Para tetë dekadash, populli kinez, së bashku me popujt e tjerë të botës, pas betejave të përgjakshme, mposhtën fashizmin dhe fituan paqen e çmuar.

E ardhmja e paqes varet nga të rinjtë, theksoi Xi, duke shprehur shpresën që pjesëmarrësit e kësaj konference nga vende të ndryshme do ta shfrytëzojnë këtë rast për të shkëmbyer mendime, për të forcuar njohjen dhe për të krijuar miqësi, për t’u bërë propozues të konceptit të paqes e praktikues të zhvillimit paqësor, duke kontribuuar me mençurinë dhe forcën e tyre në nxitjen e ndërtimit të një bashkësie me fate të përbashkëta të njerëzimit.

Konferenca Botërore e të Rinjve për Paqen u zhvillua të martën në Pekin, me temën “Së bashku për paqen”. Veprimtaria u bashkorganizua nga Shoqata e Popullit Kinez për Miqësinë me Vendet e Huaja dhe Federata Mbarëkineze e të Rinjve.

Burimi CGTN