Në vitin 1905, një bobinë filmi bardhezi pa zë 30-minutëshe regjistroi mjeshtrin e Operës së Pekinit Tan Xinpei në rolin e gjeneralit te “Mali Dingjun” – filmi i parë kinez – duke sjellë një epokë rrëfimi pamor për vendin. Tani, 120 vjet më vonë, Kina ka vendosur rekord global për të ardhurat nga biletat e kinemave me “Ne Zha 2”, një epikë e animuar që është filmi i animuar më fitimprurës i të gjitha kohëve dhe një nga pesë filmat kryesorë në botë për shifrën e përgjithshme të fitimeve.

Në një letër përgjigjeje dërguar kohët e fundit tetë aktorëve veteranë kinezë, presidenti kinez Xi Jinping i bëri thirrje sektorit kinematografik të vendit të krijojë vepra më të shquara, të cilat të pasqyrojnë shpirtin e kohëve dhe të shprehin aspiratat e popullit.

Xi i nxiti ata të frymëzojnë bashkësinë më të gjerë të kineastëve për të forcuar besimin kulturor, për t’u mbështetur në jetën reale dhe për të dhënë kontribute të reja në lulëzimin e artit dhe për shndërrimin në një vend të fuqishëm nga ana kulturore.

Posterët e filmit të animuar “Chang An” / VCG

Një valë në rritje filmash kinezë po shfrytëzon gjithashtu teknologjinë e përparuar për të pasuruar rrëfimin dhe për t’i zgjeruar kufijtë e risive kinematografike.

Sektori kinez i kinematografisë sot ndërthur teknologjinë më të lartë me pasurinë e një trashëgimie kulturore 5 000-vjeçare, duke krijuar rrëfime pamore mahnitëse që rezonojnë me publikun botëror.

Veprat e fundit të njohura, si saga “Ne Zha”, trilogjia “Krijimi i perëndive” dhe “Chang An” i kanë ripërfytyruar legjendat e lashta kineze nëpërmjet tregimit modern dhe cilësive artistike pamore.

“CMC Pictures” njoftoi javën e kaluar se versioni në gjuhën angleze i “Ne Zha 2” do të debutojë në IMAX dhe 3D në kinematë në Shtetet e Bashkuara, Kanada, Australi e Zelandën e Re duke filluar nga 22 gushti.

Ellen Eliasoph, anëtarë e jurisë së Çmimeve të Akademisë dhe një kineaste veterane, theksoi se zgjerimi global i kinematografisë kineze është i nxitur jo vetëm nga ambiciet komerciale, por nga ndikimi i saj i thellë kulturor, të cilin Eliasoph e përshkroi si gurin e vërtetë të themelit të suksesit të kinematografisë kineze.

“Kina është me të vërtetë një minierë ari e pashfrytëzuar e pronësisë intelektuale kur vjen puna në prodhimin e filmave,” u shpreh në një intervistë për Grupin Mediatik të Kinës në prill Eliasoph, i cili është ekzekutivja e parë e “Hollivudit” që ka punuar në Kinë.

Premiera e filmit “Krijimi i perëndive” në Shangai / VCG

Kina është tani tregu i dytë më i madh i filmit në botë. Vjet, mbi 1.01 miliard vajtje në kinema u regjistruan anembanë vendit. Këtë vit deri më 8 korrik, të dhënat nga platformat në internet treguan se të ardhurat e përgjithshme nga biletat e kinemave në Kinë, duke përfshirë parashitjet, i kaluan 30 miliardë juanët (rreth 4.18 miliardë dollarë), duke e arritur këtë shifër në vetëm 189 ditë, 28 ditë përpara sesa u arrit vitin e kaluar.

Kina po luan gjithashtu një rol gjithnjë e më ndikues në riformësimin e mjedisit kinematografik global. Vetëm në vitin 2024, Kina organizoi festivale ndërkombëtare filmi në më shumë se 30 vende dhe rajone. Brenda vendit, kinematë kineze shfaqën 93 filma të huaj, duke sjellë mbi 9 miliardë juanë të ardhura nga biletat.
S
Chen Daoming, një aktor i famshëm dhe kryetar i Shoqatës Kineze të Filmit, theksoi se letra e përgjigjes e presidentit Xi ofron një kuadër udhëzues për industrinë kinematografike kineze.

“Ajo është një burim thelbësor dhe i thellë frymëzimi,” tha Chen, i cili ishte një nga autorët e letrës për presidentin Xi. “Shpresoj që, nëpërmjet përpjekjeve tona të përbashkëta, ne mund të krijojmë shumë vepra të jashtëzakonshme që kontribuojnë në begatinë e arteve dhe krijimin e një vendi kulturalisht të fortë.”

Burimi CGTN