Në plazhin e Shëngjinit ndihma mjekësore në raste urgjente përveç se me autoambulanca po ofrohet dhe me motoambulanca gjatë këtij sezoni turistik.

Motoambulancat përdoren për të mbërritur më shpejt në vendngjarje në zona ku makina kalon me vështirësi apo trafiku është i rënduar.

Motoambulancat sipas koordinatorit të urgjencës në spitalin e Lezhës janë të pajisura me të gjitha mjetet për të ofruar ndihmën e parë.

“Motoambulanca ka ekipin mjekësor të trajnuar mjek dhe infermier, si dhe të gjitha mjetet e nevojshme për ndihmën mjekësore”, tha koordinatori në një prononcim për mediet.

Vetëm javët e para të sezonit veror pranë shërbimit të urgjencës kanë mbërritur mbi 1 mijë thirrje për ndihmë nga pushues dhe banorë në Shëngjin.

Qendra shëndetësore verore në Shëngjin ndodhet në një nga plazhet më të frekuentuara të sezonit, e dedikuar për të ofruar kujdes dhe ndihmë të menjëhershme në çdo rast urgjence shëndetësore.

Gjatë sezonit turistik veror, 36 qendra shëndetësore në të gjithë vendin, nga veriu në jug, janë në funksion të plotë për të garantuar shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

Turist