Me rastin e vizitës shtetërore të sekretarit të përgjithshëm të Komitetit Qendror të Partisë Komuniste të Kinës dhe presidentit kinez Xi Jinping në Vietnam, të hënën filloi të transmetohet në Vietnam programi “Citimet klasike të parapëlqyera të Xi Jinping-ut”. Në të njëjtën ditë, për të kremtuar 75-vjetorin e vendosjes së marrëdhënieve diplomatike ndërmjet Kinës e Vietnamit dhe si pjesë e Vitit të Shkëmbimeve Njerëzore Kinë-Vietnam, u organizua në Hanoi ceremonia e shpalljes së bashkëpunimit ndërmjet Grupit Mediatik të Kinës dhe Televizionit të Vietnamit. Të dy palët do të krijojnë më tej një mekanizëm të rregullt bashkëpunimi dhe do të kontribuojnë me forcën e medies për shtimin e miqësisë kino-vietnameze. Kryeministri i Vietnamit Pham Minh Chinh dërgoi një letër urimi për këtë aktivitet, ku morën pjesë mbi 150 të ftuar, duke përfshirë figura të njohura të politikës, ekonomisë, kulturës, medias, arsimit dhe fushave të tjera nga Vietnami dhe Kina.

Foto nga CMG

Programi “Citimet klasike të parapëlqyera të Xi Jinping-ut” përmban një përzgjedhje citatesh klasike nga librat e lashtë kinezë, të përdorura nga presidenti kinez Xi Jinping në fjalimet, artikujt dhe bisedat e tij të rëndësishme.

Burimi CGTN