Anija “Butrinti” e Forcës Detare dhe ekuipazhi i saj, pjesë e misionit të NATO-s, “Sea Guardian” në detin Egje, zhvilluan një stërvitje të përbashkët me anijen gjermane FGS Planet A4137.

Gjatë stërvitjes në ujërat ndërkombëtare, u testuan aftësitë operacionale dhe ndërveprimi me anijet aleate sipas standardeve të NATO-s. Forca Detare njoftoi se u zhvillua edhe shkëmbimi i efektivëve për përvojë.

Komandanti i CTU vlerësoi punën e anijeve shqiptare dhe theksoi rëndësinë e bashkëpunimit për përmbushjen e misioneve të Aleancës.