Shqipëria mbylli konsultimet e përbashkëta me NATO-n, mbi detyrimet dhe angazhimet e Forcave të Armatosura në kuadër të mbrojtjes kolektive.

Shefi i Shtabit të Përgjithshëm të Forcave të Armatosura, Arben Kingji zhvilloi një takim me Karl Ford, drejtor i Planifikimit të Mbrojtjes në Stafin Ndërkombëtar të NATO-s, dhe gjeneral brigade Frederic Gauthier, zëvendësshef i Shtabit për Planifikimin e Mbrojtjes në Komandën e NATO-s për Transformim.

Gjatë takimit, Kingji ofroi një panoramë të zhvillimeve në FA, modernizimin dhe zhvillimin e kapaciteteve, të cilat do të rriten dhe më tej në të ardhmen, në saj të vullnetit politik për të marrë përsipër paketën e re të objektivave të kapaciteteve.
Ai shprehu po ashtu mirënjohjen për organizatorët dhe grupet e punës që kontribuan në suksesin e këtij aktiviteti.

Burimi ATSH