Kryeparlamentarja e Kuvendit të Shqipërisë, Elisa Spiropali priti sot në një takim, ambasadorin e Rumanisë Octavian Şerban, ambasadoren e Hungarisë, Martina Kasnyik dhe ambasadorin e Sllovenisë Jakob Štunf.

Gjatë takimit u diskutua mbi forcimin e marrëdhënieve dypalëshe dhe zgjerimin e bashkëpunimit parlamentar mes grupeve të miqësisë, komisioneve dhe deputetëve.

“Mirënjohës për mbështetjen e vazhdueshme të këtyre tre vendeve anëtare në rrugën e Shqipërisë drejt BE-së. Ambiciet e Shqipërisë dhe të rajonit janë një vlerë e shtuar për familjen evropiane”, shprehet Spiropali.