Sekretari i Përgjithshëm i Komitetit Qendror të Partisë Komuniste të Kinës, Xi Jinping, ka theksuar se për të patur lulëzim rural, një industri pasurimi në përshtatje me gjendjen lokale është thelbësore.

Që prej Kongresit të 18-të të PKK-së, Xi në prag të Festës së Pranverës, zhvilloi vizita të shumta në zonat malore dhe rurale, duke u interesuar për gjendjen e jetesës së banorëve vendas dhe duke i inkurajuar ata të zhvillojnë industritë e pasurimit, për të ndërtuar fshatra me harmoni dhe bukuri.

Fshati Zhaojin ndodhet në qytetin Tongchuan të provincës Shaanxi. Në prag të Festës së Pranverës 2015, Xi ishte këtu për të dëgjuar prezantimet mbi zhvillimin vendas. Ai pyeti ngrohtësisht banorët vendas për përgatitjet e festës, arsimimin e fëmijëve dhe shprehu urimet për një jetesë gjithnjë e më të mirë të banorëve vendas.

Falë këshillimit të Sekretarit të Përgjithshëm Xi, fshati Zhaojin ka nxitur zhvillimin vendas të turizmit, duke bërë përpjekje të mëdha në biobujqësi, energji fotovoltaike, fabrika komunitare dhe turizmin e dëborës dhe akullit.

Aktualisht, ky fshat malor dikur i prapambetur, po tregon një gjallëri të re, duke pritur mbi 11 milionë turistë. Në vitin 2024, të ardhurat për frymë në Zhaojin shënuan 21753 juanë, 7.2% më shumë se një vit më parë.

Në prag të Festës së Pranverës 2018, Xi bëri një vizitë në fshatin Zhanqi të provincës Sichuan, ku inspektoi nga afër produktet bujqësore. Ai theksoi se bujqësia moderne është kyçi i parë për zbatimin e strategjisë së lulëzimit rural të Kinës dhe pasurimi është misioni thelbësor për zbatimin e kësaj strategjie.

Më pas, Zhanqi së bashku me fshatrat përreth formuan agroparqet moderne, duke krijuar toka bujqësore me standard të lartë dhe duke ngritur vlerat shtojcë të agroprodukteve vendase. Krahas këtyre, është nxitur edhe zhvillimi i sektorëve si turizmi dhe vizitat rurale të studentëve.

Në 2024, të ardhurat kolektive të Zhanqisë shënuan 7.3 milionë juanë, 3.5% më shumë se në 2023, duke shënuar rritjen e ekonomisë kolektive, të prodhimit bujqësor dhe të të ardhurave të fshatarëve.

Burimi CGTN