Në të gjitha shkollat dhe universitetet ka nisur sot semestri i dytë i vitit shkollor.

Ministrja e Arsimit dhe Sportit, Ogerta Manastirliu uroi sot nxënësit dhe mësuesit për rikthimin në shkolla.

“Rikthim të mbarë në shkollë të gjithë nxënësve dhe mësuesve tanë të përkushtuar. Vit të mbarë dhe shumë suksese”, shkruan Manastirliu.

Rreth 350 mijë nxënës, nga të cilët 28 mijë janë ulur për herë të parë në banka vijojnë vitin shkollor në të gjitha shkollat e vendit.

Ministria e Arsimit dhe Sportit edhe gjatë vitit 2025 do të vijojë zhvillimin e reformave në arsim, me mbështetjen e arsimit bazë, të mesëm të lartë, orientimin e kurrikulave ndaj nevojave të tregut të punës dhe modernizimin e tyre.

Buxheti 2025 për MAS është në shifrën 62.02 miliardë lekë. Me buxhetin e 2025 do të ndërtohen ose rikonstruktohen rreth 70-80 objekte arsimore të arsimit bazë, me rreth 1000-1200 klasa/laboratorë, ku do të përfitojnë rreth 20 000 -25 000 nxënës dhe 1500-2000 punonjës mësimorë.

Në vitin 2024 u rehabilituan dhe janë në proces rehabilitimi edhe gjatë këtij viti më shumë se 100 shkolla dhe janë vendosur 216 laboratorë smart në shkolla.

Burimi ATSH