Investimet e huaja direkte shënojnë rekord historik në 9-mujorin e vitit 2024.

Lajmin e bëri të ditur ministri i Ekonomisë, Kulturës dhe Inovacionit, Blendi Gonxhja, në një postim në rrjetet sociale ku tha se, për periudhën janar-shtator 2024, fluksi i IHD-ve arriti 1,16 miliardë euro, duke regjistruar një rritje prej 5% krahasuar me të njëjtën periudhë të vitit të kaluar.

Turqia është vendi i cili vazhdon të kryesojë me 17.6% të investimeve, e ndjekur nga Italia me 12.8%, Holanda me 10.2%, Austria me 7% dhe më poshtë renditen partnerë të tjerë si Gjermania dhe Franca.

Ministri Gonxhja bëri me dije se sektorët që kryesojnë janë: Aktivitetet e Pasurive të Paluajtshme 23.2%, Financat dhe Sigurimet 17.8%, Energjetika dhe Ujësjellësi 11.2%

Ministri i MEKI-t parashikon një të ardhme premtuese për ekonominë shqiptare falë interesit të lartë të investitorëve ndërkombëtarë si dhe falë punës së palodhur të Agjencisë Shqiptare të Zhvillimit të Investimeve (AIDA).

Burimi ATSH